早期，在奢侈品公司进入中国时，均通过香港设立总部，所以好多品牌嘅早期译名都带有粤味及港味，成为咗好多人接触外国品牌嘅第一名称。

Lamborghini叫“兰博基尼”之前，我哋更习惯叫佢做「林宝坚尼」。

LEXUS虽然依家叫“雷克萨斯”，但我哋更习惯叫佢「凌志」。

而喺品牌发展过程中，会产生唔同嘅花名，以下呢啲品牌嘅花名，唔识粤语恐怕睇唔明。

扫把佬

唔系指呢个

而系

品牌正名：Subaru，日本汽车品牌

Subaru即系斯巴鲁，喺香港嘅正式译名为富士汽车，比起呢个译名，香港车迷更加中意将佢音译为“扫把佬”，呢个应该系Subaru咁多翻译之中最搞怪嘅译名。

飞甩鸡毛

唔系指呢个

而系

品牌正名：Salvatore Ferragamo（萨瓦托·菲拉格慕），意大利时尚品牌。

品牌名水蛇春咁长都算啦，对于中国人嚟讲，佢嘅发音仲要十分拗口，后来坊间就出现咗“飞甩鸡毛”或“飞拉鸡毛”嘅谐音外号，其实个人觉得呢个外号比起品牌真名更深入民心。

冇得捞啦

唔系指呢个

而系

品牌正名：Motorola（摩托罗拉），美国电信设备制造商

香港坊间恶搞摩托罗拉而产生嘅名，经常用嚟润老细同打工仔，不过后来摩托罗拉嘅境况大家都知道啦，所以真系好多员工都「冇得捞啦」！

屈人寺

唔系指呢个

而系

品牌正名：Watsons （屈臣氏），亚洲连锁个人护理产品零售商

屈人寺一词嘅诞生，除咗系出自屈臣氏嘅音译，仲有一部分系屈臣氏嘅部分产品又贵又唔好用，仲一直被人推销，畀部分顾客感觉入去就等于谋人寺，畀人屈，所以呢个充满戏谑意味嘅外号就越传越广啦。

「襟捞」=「金劳」

冇错，就系系指呢个

即系

品牌正名：Rolex（劳力士），钟表制造商

劳力士之所以打入顾客内心，好大程度在于品牌译名中嘅“劳”字，与粤语中嘅“捞”字谐音，成功赋予咗品牌嘅意义。而金色表面嘅劳力士经常被简称为「金劳」，谐音为「襟捞」，故旧时佩戴劳力士被认为系事业成功、金银满屋嘅象征。

太刻薄

冇错，就系系指呢个

即系

品牌正名：Café de Coral（大家乐），香港饮食品牌

由于大家乐于2010年10月底开始，时薪员工的用膳时间不计算在工资内，有刻薄员工嘅嫌疑，遭到香港网民抵制及声讨，讽刺大家乐而诞生咗「太刻薄（Café de Cruel）」呢个名。

老千拉面

冇错，就系系指呢个

即系

品牌正名：味千拉面，日本饮食品牌

前几年，味千拉面被爆出骨汤门、添加门，与其原本宣传嘅原汁原味冇添加大相径庭，欺骗消费者，故被网友戏谑为「老千拉麵」。

我哋仲会叫7-Eleven做「7仔」，

叫麦当劳做「老麦」「M记」「麦当当」，

PS：以上所提及嘅恶搞品牌名纯属玩笑，如有得罪，有怪莫怪，细路仔唔识世界。